Tshitatamennde tsha nyanḓadzamafhungo
Kha Nyanḓadzamafhungo Dzoṱhe
Datumu: 17 Luhuhi 2025
U itela u phaḓaladzwa nga u ṱavhanya
Tshiimiswa tsha Housing Development Agency (HDA) tsho thoma fulo ḽa ulwa na vhufhura na tshanḓanguvhoni ha miraḓo ya tshitshavha i sina madzina vhane vha khou ḓiita vhaimeleli vha HDA.
Fulo heḽi ḽau ulwa na vhufhura na tshanḓanguvhoni ḽo thomiwa u sevha nau tsivhudza lushaka uri lu thogomele nga ha u ḓala ha mirado ya tshitshavha isina madzina ine ya ḓi dzumba sa vhaofisiri vha bvaho HDA ino khou fhura mirado ya lushaka nga vhunzhi.
Tshiimiswa tsha HDA tshi ḓifhambanya na mishumo ya vhutshinyi yo raloho nahone tsho dzhia vhukando ha u thoma fulo ḽi re na masia manzhi ḽo livhiswaho kha u sevha na u gudisa vhathu vha Afrika Tshipembe nga ha mishumo i siho mulayoni ya u humbela masheleni kha vhadzulapo hu tshi shumiswa dzina ḽa HDA.
HDA i ḓo rwela ṱari fulo ḽa u lwa na tshanḓanguvhoni na vhufhura ḽi re na thero ya: “The HDA, Building Trust, Preventing Fraud, Corruption and Exploitation.”
Ri dodombedza ndivho ya fulo ngau dovha ra sevha miraḓo ya tshitshavha nga ha pulatifomo dzo fhambanaho dza nyanḓadzamafhungo ya matshilisano dza vhufhura dzo sikiwaho dzi shumisaho dzina la HDA u itela u kunga vhathu vha sa divhiho tshithu uri vha badele tshelede.
Ro wanulusa uri mafobvu manzhi a shumisa masiaṱari a vhufhura a nyanḓadzamafhungo ya matshilisano vha tshi ḓiita vhaimeleli vha HDA, u phaḓaladza mafhungo a vhufhura malugana na u ṋetshedzwa kana u rengiswa ha nnḓu kana zwitentsi na shango, nga zwenezwo vha fhura vhathu vha sa zwi ḓivhi. Vhafhuri avha vha amba uri vha ṋea tshitshavha thuso ya u ita khumbelo ya nnḓu dzine dza thuswa nga muvhuso.
U ya nga Muofisiri Muhulwane, Vho Bheki Khenisa, “A hu na muofisiri wa HDA ane a ḓo ni ṋea kana u ni rengisela nnḓu nga u wana tshelede. Arali ha wanala uri ho vha na nzumbamulomo, muthu muṅwe na muṅwe o kwameaho u tea u vhigwa kha vhalanguli vho teaho. Tshandanguvhoni a tshi na vhudzulo HDA. Ri ḓikumedzela kha u fhaṱa fulufhelo kha vhakwameaho na lushaka, na u vhona uri mishumo yashu i sumbedza maimo a nṱhesa a u fulufhedzea.”
Ri do bvela phanḓa na u ita vhuḓidini ha u ḓivhadza nga kha nyanḓadzamafhungo u sevha lushaka nga ha mishumo iyi i siho mulayoni nahone mafhungo aya o dovha a vhigwa kha vhalanguli vha mulayo.
Khumbelo dza nnḓu dza RDP/BNG dzi itwa fhedzi kha mihasho ya vunḓu ya madzulo a vhathu na mimasipala. A hu na muthu kana dzangano ḽa phuraivethe ḽo ṋewaho maanḓa a u leludza hezwi ḽo imela HDA.
Nḓila dza thendelo ya nndu yo thuswaho nga muvhuso nga u fhelela dzi katela, vhukati ha zwiṅwe, uri muthu u tea u vha mudzulapo wa Afrika Tshipembe, u vha muṋe wa nnḓu lwa u thoma na u hola mbuelo yo ṱanganaho ya muṱa i re fhasi ha R3501.00 nga ṅwedzi.
Miraḓo ya lushaka i ṱuṱuwedzwa uri tshifhinga tshoṱhe vha khwaṱhisedze na ofisi dzo teaho vhu ngoho ha akhaunthu na milaedza i soliseaho ya BNG/RDP ire kha nyanḓadzamafhungo ya matshilisano.
U vhiga vhufhura na tshandanguvhoni, kha vha kwame tshumelo dza vhudavhidzani dzo ḓiimisaho nau tsireledzwa kha: hda@whistleblowing.co.za or lutingo 0800 111 409 or WHATSAPP CHATBOT & CALL - 031 308 4664 or SMS: 33490.
The HDA #RebuildHDA #BuildingTrust, #CombatingCorruption, #TransparencyinAction
Vha nga vhiga hafhu nyito dza tshanḓa nguvhoni na vhufhura kha zwiimiswa zwi tevhelaho:
DHS Special Investigations Directorate: 012 421 1535/1641
DHS Call Centre: 0800 146 873
Human Settlements Ombudsman: 0800 146 873
National Anti-Corruption Hotline: 0800 701 701
The Public Protector South Africa: 0800 11 20 40
The Presidential Hotline: 17737
The HAWKS: 012 846 4590
Kana kha South African Police Service Station ya tsini
